खानदानी पेशो (नंढी कहाणी)

लेखिका : देवी नागरानी
अनुवाद: पदमा गोबिन्द मोटवानी

कालीदास ग़लतफ़हमीअ जो मारियो हुओ। पंहिंजो पाण खे घटि दर्जे जो समुझण जे करे पंहिंजी नज़रुनि में किरी पियो। हुन जो पेशो डा॒डे॒ परडा॒ड॒नि पारां मिलयलि विरासत हुई-हू कासाई हुओ। ड॒हों पासि करे, अञां अगि॒ते पढ़ाई करे क़ाबिल थियणु चाहींदो हुओ। अबो॒ल जीवनि जे कांधीअ ते कपु हलाए पंहिंजो पेटु पालण जी रीति हुन खे समुझण में कोन पिए आई। नंढी वडी॒ नौकरी करे गुज़ारो कंदो रहियो, पर क़िस्मत!
पीउ जे कज़े खां पोइ माउ उहो कमु करण लगी॒ वेई, जेको पीउ कंदो हुअसि। घणो पोरिह्यो कंदे उन कम खे निभाईंदी रही। ब॒करनि खे ब॒लि चाढ़णु, हुननि जे अंगनि खे धार धार कीमतुनि ते विकरणु, पैसा कमाइणु ऐं घर जो गाडो॒ हलाइणु। पर माउ जानकी करे बि छा! कालीदास वॾॊ पुटु हुओ, पुठिया हिकु बि॒यो पुटु ऐं हिक धीअ हुअसि। पदार्थ महदूद हुआ ऐं जानकीअ वटि बि॒यो को चारो बि कोन हुओ।

इहो डि॒सी कालीदास महफ़ूज़ थियण लॻॊ। कुझु करण जी ख़्वाहिश मज़बूत थियण जी जॻह ते हुन जे मन में दबि॒जण लगी॒। माण्हू दुनिया खां, धारियनि खां परियां भजी॒ थो सघे, पर पंहिंजो पाण खां परियां नथो वञी सघे। माउ जी ममता साम्हू हुन जे सुख जो स्वार्थ झुकी पियो ऐं पंहिंजो खानदानी कमु करण में लगी॒ वियो।
अजु॒ जेको संतोष हुन खे पंहिंजे वर्ताअ सां, पंहिंजे कम सां मिलंदो आहे, उहो हुन जी रहिणी करिणीअ ते असरु कंदो आहे। “माण्हू पंहिंजी सोच सां नंढो या वॾॊ थींदो आहे, कम सां न”।

तर्जुमान
पदमा गोबिंद मोटवाणी
गांधीधाम (कच्छ) गुजरात
मोबाइल 9979744366

Full Address
Padma Motwani
Dr. Govind Motwani
“KALRAV” Duplex # 9
Plot # 225 Ward 10A
Gurukul Road
GANDHIDHAM (Kutch)
Gujarat
Pincode 370201