लेखिका : देवी नागरानी
अनुवाद : पदमा गोविंद मोटवानी
इहो ज़ाहिरि तड॒हिं थियो जड॒हिं हुन खे हरियाणा जी यूनिवर्सिटीअ में सभिनी खां वडे॒ ओहदे ते मुकररि कयो वियो। एतिरे मान वारे ओहदे खे अंजामु डि॒यण लाइ जड॒हिं पहिरियें डीं॒हुं हू तयारु थियो त नेरनि कंदे वक़्तु सावित्रीअ घर वारनि तरिफां हुन खे वाधायूं ऐं शुभकामनाऊं डि॒नियूं। घोटसि प्यार सां मुश्कंदे पंहिंजी ज़ाल खे निहारींदे आहिस्ते सां चयुसि-” वाधायूं त मां क़बूलु कयां थो, पर शुभकामनाऊं तड॒हिं ई क़बूलु कंदुसि जड॒हिं तूं मूंसा हिकु वाइदो कंदीअ।”
“कहिड़ो वाइदो….?” सावित्रीअ अचिरज सां हुन साम्हूं डि॒संदे पुछियो।
“इहो ई त जेसताईं मां हिन ओहदे ते रहंदसि, तूं कड॒हिं बि कहिंजी बि सिफ़ारिश मूंसा कोन कंदीअ। ऐं हिन डु॒खिये रस्ते ते मुंहिंजी हमक़दमु थी करे हलंदीअं।”
बु॒धी करे सावित्रीअ खे लगो॒ ज॒णु त धर्मु जी एराज़ीअ में हुन खे बि हिक डु॒खिये धर्म जे रस्ते ते हलण लाइ मुक़ररि कयो वियो आहे। हुन मन ई मन में पूरी ईमानदारीअ सां उहो वाइदो निभाइण जो प्रणु पंहिंजो पाण सां कयो। घोट जी हिन नेकु कोशिश जे लाइ हूअ गदगदि थी वेई।
padmamotwani1411@gmail.com