जहिड़े सां तहिड़ो (नंंढी कहाणी)

लेखिका : देवी नागरानी
अनुवाद : पदमा गोविंद मोटवानी

हिक साहिड़ीअ बी॒ साहिड़ीअ खे हिक सूखिरीअ जे रूप में सुहिणी सींगारुदानी डि॒नी। जाचण खां पोइ हुन खे लगो॒ त उन में जेको सामानु आहे, उहो नकली आहे। हुन खे घणो गुस्सो आयो, पर हूअ उन खे गी॒ही बि कोन सघी ऐं कढी फिटो बि कोन करे सघी। पर कुझु भुलिजी बि कोन सघी।

मौको मिलंदे ई हुन बि हिक मशहूर कंपनीअ जे पाउडर जो वापिरियल दबो॒ हुन खे सूखिरीअ तौरु डि॒नो।

“अरे मीना! तोखे त ख़बर आहे, मां सींगारु कोन कंदी आहियां, तूं ई इन खे वापिरे छडि॒।” हुन घणी हुजत सां चयुसि।

प्यार भरी बी॒णी मुश्क ऐं हुजत सां मीना बि हुन जो हथु दबा॒ईंदे चयुसि

“मां बि नकली शइ कोन वापरींदी आहियां, रखी छडि॒, बि॒ये कहिंखे डि॒यण में कमु ईंदई।”

padmamotwani1411@gmail.com