लेखिका : देवी नागरानी
अनुवाद : पदमा गोविंद मोटवानी
“खीरु त डा॒ढो सुठो आहे, डा॒ढो मिठो….!खीरु पीअंदे त वडो॒ थींदे, इस्कूलु वेंदे, पढ़ंदे, लिखंदे, वडो॒ माण्हूं थींदे….!” माउ हुन खे विंदराईंदे चयो।
“अमा सुठो कोन थो लगे॒, तूं पी डि॒सु।” माउ घणी शर्मसारु थी।
“मूंखे सभु ख़बर आहे मुंहिंजा लाल, मुंहिंजे साम्हूं आरसी रखण जी ज़रूरत कोन्हे। मूंखे ख़बर आहे, मूं खीर में पाणी मिलायो आहे। छा करियां? घर में ससु, साहुरे, डे॒र, डे॒राणीअ खे खीरु डि॒यण खां पहिरीं हर हिक कप मां हिकु हिकु चम्चो खीरु कढी उनमें चारि चम्चा पाणी ऐं हिकु चम्चो खंडु मिलाए तोखे डीं॒दी आहियां…! मूंखे जा॒ण आहे त खीरु खीर वांगुरु कोन्हे, पाणीअ वांगुरु थो लगे॒। पूरी तरह सां मिठो बि कोन हूंदो। मुंहिंजा लाल, उहो मुंहिंजे गो॒ढ़नि जहिड़ो खारो हूंदो। पर मां छा करियां? कहिंखे चवां त तुंहिंजे पीउ जे चालाणे खां पोइ सिर्फ़ तूं न, मां बि अनाथु थी वेई आहियां। मूंखे माफ़ु करे छडि॒, मुंहिंजा लाल। खीरु खराबु कोन्हे, तुंहिंजी अमा खराबु आहे, सुठी न….!”
padmamotwani1411@gmail.com