लेखिका : देवी नागरानी
अनुवाद : पदमा गोविंद मोटवानी
“अरे तव्हां खे बि डि॒यारीअ जूं वाधायूं” मुंदल लहिज़े में मां चई त छडि॒यो पर दिमाग ते ज़ोरि लगा॒इण खां पोइ बि इहो समुझ में कोन आयो त मां कंहिंसां पेई गा॒ल्हायां। बसि चेई छडि॒यो।
“सुञातो या अञां बि कोन सुञातो?”
“कोशिश कयां पेई पर नाकामियाबी पेई मिले, हाणे तव्हां बु॒धाए छडि॒यो।”
“मां डि॒यारी आहियां, मुंहुं मिठो करण आई आहियां।”
“अरे तव्हां पंहिंजो मुंहुं खोलियो ऐं वठो ही लडूं॒ खाओ….!!”मां वरी हल्के सां पुछण वारे लहिज़े में चयोमांसि।
“कीअं लगो॒ लडूं॒अ जो चश्को?” मूं हुन खे खुशि करण लाइ चयो।
“डा॒ढो लज़ीज़”! तव्हांजी कुझु मदद करे थी छडि॒यां, पाण सुभाणे गडि॒जंदासी।
“हाणे इन मोंझारे खां बा॒हिरि बि कढो” दिमाग़ी तौर ते थकावट खां बा॒हिरि निकिरण जे लाइ मां सोचण जां सभु हथियार फिटा करे छडि॒या।
“बु॒धाईंदसि पर हिक शर्त ते, पैसा डि॒यणा पवंदव।”
“वधीक न, हिकु डॉलरु वठंदसि। मां बिंदु, बिन्देश्वरी अग्रवाल आहियां।
देवीजी तव्हां कीअं आहियो?
“हाणे ठीकु आहियां बिंदु जी! हीअ डि॒यारी मूंखे सदाईं यादि रहंदी, हाणे मूंखे यादि आयो त सुभाणे पाण खे सरिता मेहता पारां तर्तीबु थींदड़ि बहुभाषी कवि सम्मेलन में गडि॒जिणो आहे।”
हीअ हुई न्यूयॉर्क जी असांजी मज़ाक़िया शायरा डॉ. बिंदु अग्रवाल, जेका मज़ाक़िया शायरी कंदे कंदे मंच ते सभिनी खे खिलाईंदी आहे पर अजु॒ फ़ोन ते मूंखे खिलाइण जे बदले अहिड़ो मोंझारे में विधाईं जो उन मां निकिरण जी एवज़ि मूंखे हुन खे रिश्वत बि डि॒यणी पेई। गुफ्तगूअ जो चश्को डि॒यारीअ जे लडु॒नि खां वधीक मज़ेदारु हुओ या घटि, उन हकीकत खां वाकुफ़ि ज़रूर कराइजो।
padmamotwani1411@gmail.com