लेखिका : देवी नागरानी
अनुवाद : पदमा गोविंद मोटवानी
इहो सिलसिलो हिक साल ताईं बिना कहिं तकलीफ़ ऐं रंडक जे हलंदो रहियो, जंहिंजी एवज़ि मालिक खुश थी करे हुन जी पघारु वधाई ऐं ओहदे में बि इज़ाफ़ो कयाईंसि। पर किस्मत जा रंग न्यारा हूंदा आहिनि। जड॒हिं नसीबु साथु कोन डीं॒दो आहे त बदकिस्मती पंहिंजो रंगु डे॒खारींदी आहे।
हिक डीं॒हुं घर खां निकिरंदे वक़्तु रोज़ु वांगुरि हुन नोटनि जी थेल्ही खंई ऐं बैंकु डां॒हुं वञण लाइ रवानो थियो। जड॒हिं बैंकु पहुतो त डि॒ठाईं थेल्ही गुमु। हैरानु परेशानि हू जंहिं रस्ते तां आयो हुओ, पेरे पंधु वापसि उन ई रस्ते तां हलंदे जड॒हिं घरु पहुतो त डि॒ठाईं हुन जो नवनि वरिह्यनि जो पुटु उहा ई नोटनि भरियल थेल्ही झले हुन जे साम्हूं बीठो हुओ।
“पापा, तव्हां हिन थेल्हीअ खे लिफ्ट में ई भुलिजी करे हलिया विया। मां जड॒हिं स्कूल वञण लाइ निकतसि त हीअ मूंखे मिली” ऐं हुन उहा थेल्ही पीउ खे डि॒नी।
ईमानदारी दाग़ुदारि थियम खां बची वेई, इन गा॒ल्हि जो शुख़ुरु मञींदे हुन पंहिंजे पुट खे भाकुरु पातो ऐं निरण जो पघरु उघंदे उन वक़्तु ई वापसि वरियो। हिन दफ़े हुन थेल्हीअ खे एतिरो मज़बूतीअ सां पुख़्तो झलियो हुओ, जीअं कोई पंहिंजी मान मर्यादा खे संभाले रहियो हुजे।
padmamotwani1411@gmail.com