लेखिका : देवी नागरानी
अनुवाद : पदमा गोविंद मोटवानी
बीठो रहियो जीअं त हू मुंहुं डे॒खारण जे क़ाबिल ई न रहियो हुजे। ईअं लगो॒ जीअं को अणथियणो वाक़िओ थियो हुजे।
“तूं मुंहिंजी नज़रुनि जे साम्हूं खां हटी वञु।” पुजा॒रीअ जी कड़ाके वारी आवाज़ ते उतां खां गुज़िरंदरि राहगीर मंदर जे चइनी पासे बीहजी विया।
“बाबा मूं पंहिंजी भुल क़बूलु करे छडी॒ आहे, हाणे अगि॒ते अहिड़ो कोन थींदो।” पुजा॒रीअ जे पुट विकास जो आवाज़ु ढिलो हुओ।
“वडे॒ शर्मु जी गा॒ल्हि आहे, इहा भुल न, डो॒हु आहे। कल राति जेको तो कयो आहे, उनजो शाहिद मंदर जो भगु॒वान रहियो आहे।” गुस्से में पुजा॒रीअ जी आवाज़ु वधीक कड़ाकेदारु थींदी पिए वेई।
“मूंखे जा॒ण आहे बाबा, पर राति जी ऊंदाहि में मुंहिंजो ज़मीरु बि चिमिकण लगो॒, ऐं मां, मां….मय….म!!!!”
“ऐं तो मंदर अंदरि दोस्तनि सां गडि॒जी शराबु पीतो।”
“…………….”
“अजु॒ खां वठी तूं न मंदर जे अंदरि ईंदे , न भगु॒वाननि खे सनानु कराईंदे, न हुन नि जा वेस बदिलींदे। शेवा करण जा तुंहिंजा हभु हक़ छिनजी विया आहिनि, हाणे इहा ई तुंहिंजी सज़ा आहे।” चेई पुजा॒रीअ मंदर जा दर बंदि कया, पंहिंजे पुट विकास खे अङण में ई छडे॒ पंहिंजी कुटिया डां॒हुं हली वियो।
“बाबा मां हिन अङण में भगु॒वान जे साम्हूं तेसताईं वेठो रहंदुसि, जेसताईं तव्हां बे॒ई मूंखे माफ़ु न कंदा। तव्हां मूंखा पछिताउ जो हक़ु कोन था छिनी सघो….नथा छिनी सघो….!!”
padmamotwani1411@gmail.com