डॉलर जो रंगु (नंढी कहाणी)

लेखिका : देवी नागरानी
अनुवाद : पदमा गोविंद मोटवानी

सरला प्यार भरियो हथु पंहिंजे पोटे मनुअ जे मथे ते फेरींदे हुन खे हिकु सौ डॉलर डीं॒दे जनमडीं॒हं जूं वाधायूं डि॒नियूं। बी॒णे प्यार सां मनुअ डा॒डी॒अ खे भाकुरु पाईंदे चयो ‘आई लव यू Grandma’। इन गा॒ल्हि खे टे महीना ई गुज़रिया त बा॒रनि जो माउ पीउ साणु भारत वञणु थियो।
सरला सदाईं वांगुरि बि॒न्ही बा॒रनि मनु ऐं मुन्नीअ खे पंज सौ जा ब॒ ब॒ नोट डीं॒दे सुखदि मुसाफ़िरीअ जूं शुभकामनाऊं डि॒नियूं। मनुअ बे॒ई नोट बि॒न्ही हथनि में पकिड़ींदे पुछियो “डा॒डी॒ हीउ हज़ार रुपया केतिरनि डॉलर बराबरु आहिनि?”
सरला वाइड़ी थी वेई। पैसे जो मुल्हु त कोन बु॒धाए सघी, पर इहा जा॒ण थी वियसि त प्यार जो रंगु एतिरो चिटो कोन्हे, जेतिरो डॉलर जो आहे।

padmamotwani1411@gmail.com