लेखिका : देवी नागरानी
अनुवाद : पदमा गोविंद मोटवानी
मां मुश्कंदे चवंदी हुअसि ‘गोदरेज जो हिकु वडो॒ तालो’।
सचु त इहो आहे वतन खां परे जड॒हिं असांखे बि॒ए मुल्क में अची वसिणो पवंदो आहे त पंहिंजो उहो झूनो घरु यादिगिरयुनि जे हिक भंडारे वांगुरि थी वेंदो आहे, जेको आहिस्ते-आहिस्ते नंढियुनि-वडि॒युनि कहाणियुनि जे लफ़्ज़नि में जग॒ह ठाहींदो रहंदो आहे, शायद इहा ई असांजी विरासत आहे।
घर अंदरि रखियल गोदरेज जी अलमारी यादि आई, जंहिंजे अंदरि हिक टिजोरी चाबी॒अ साणु हूंदी हुई, जंहिंमें पंहिंजो कीमती सामानु, ज़ेवर, कुझु चांदीअ जूं शयूं, पैसा ऐं कुझु अहिम्यत वारा काग॒ड़ रखी चाबी॒ घुमाएं छडीं॒दा हुआसीं- “तालो मतलबु महफूज़ियत”।
अजु॒ मदर्स-डे आहे-धीअ जो फ़ोनु आयो।
“मम्मी कीअं आहियो?”
“मां बिल्कुल ठीक आहियां।”
“मदर्स-डे जूं शुभकामनाऊं मम्मी।”
तो खे बि शुभकामनाऊं ऐं दुआऊं….चवंदे मां खिलण लग॒सि।
खिल जी आवाज़ ते हूअ शायद हैरान थी हुई त मम्मीअ खे अजु॒ छा थियो आहे! बिना सबब जे हीअ खिल!
-“छा थियो मम्मी ”
-“अरे कुझु न….बसि अलमारीअ जी यादि अची वेई”
-“कहिड़ी अलमारी…छा चेई रहिया आहियो?”
-“अरे उहा ई झूनी गोदरेज जी अलमारी, जेका मुंबईअ वारे घर में हुई। जहिं में पंहिंजो कीमती सामानु, ज़ेवर, चांदीअ जा सिक्का ऐं घणेई शयूं रखंदा हुआसीं।
_”हा त….! कहिड़ी गा॒ल्हि ते खिली रही आहीं?”
-“अरे लगे॒ थो अजु॒ मां खुद बि हिक टिजोरीअ में बंदि थी वेई आहियां।
बि॒यो सभु त ठीकि, उनजो तालो बि मां ई अदिरां बंदि करे छडीं॒दी आहियां ऐं महफूज़ियत सां उन ताले जे अंदरि बि॒नि महिननि खां एकांत में वेठी आहियां….शांतिअ सां….सभु कुझु कंदे रहंदे बि लगे॒ थो कुझु कोन करे रही आहियां। कड॒हिं ईअं लगं॒दो आहे, मां उहो सभु कुझु कयां पेई, जेको पहिरीं कड॒हिं कोन कयो। वक़्त मुताबिक़ सोच जो अजीब विस्तारि थींदो रहंदो आहे।
-“उहो छा आहे मम्मी! छा कंहिं नई कहाणीअ जो प्लॉट ठाहियो पिया?”
-“न, न, इअं ई, ओचितो वीचारु आयो ऐं हाणे लगे॒ थो त इन ते ई कुझु लिखी छडि॒यां!”
-“ठीक आहे मम्मी ‘हैप्पी मदरस डे टू यू’. तव्हां वेही करे लिखो, मां राति जो गा॒ल्हाईंदसि।”
-“ठीक आहे” चेई करे बि॒न्हीं पासे फ़ोनु बंदि थी वियो ऐं मां सही में क़लम खणी उन टिजोरीअ जे बारे में लिखण लग॒सि।
हा, हाणे मां केतिरी न अनमोल थी वेई आहियां, एतिरी कीमती जो पंहिंजे घर नाले जे हिन कमरे रूपी टिजोरीअ में बि॒नि महिननि खां बंदि आहियां। हाणे वीचारनि जो विस्तार जा॒णणु थो चाहे त मां पंहिंजी हिफ़ाज़त करे रही आहियां या हूं शक्तिशाली करे रहियो आहे, जहिंजे मान में मुंहिंजी क़लम बि लिखे थी
तूं हिकु ई मुंहिंजो हबीबु आहीं
तूं ई लाजवाबु तबीबु आहीं।
साहित्य में घणनि ई किसनि कहाणियुनि में पढ़ंदी आहियां त औरत पंहिंजे ई मन में हिक अहिड़ी कुंड खाली रखंदी आहे, जिते हूअ जड॒हिं चाहे, पंहिंजी मर्ज़ीअ सां अची वञी सघंदी आहे।
अजु॒ लगे॒ थो त उहो सचु आहे ऐं महसूस बि करे जो सघिजे। सचु इनकरे जो मुंहिंजे शरीर जी अंदरूनी घिटियुनि में हलंदे हिक गुफा ईंदी आहे, जेका कहिं टिजोरीअ खां घटि कोन्हे। जिते “मां” रहंदी आहियां ऐं हीअंर हिन एकांत जे वक़्त में पंहिंजी मर्ज़ीअ सां मन खे उते ज़ोरीअ वठी वेंदी आहियां, जीअं हूं पंहिजे ‘मालिक’ सां मिलण लाइ बराबरि कोशिश कंदो रहे, पंहिंजी अकेलाईअ खे एकांत में तब्दील करण जी, पंहिंजे आसे पासे हिकु महफूज़ घेरो ठाहे रखण जी, जेको हुन जी संभाल करे सघे। छो जो गीता में बि इन सच जी जा॒णु कराई वेई आहे
“अकेलाई संसार जी सभिनी खां वडी॒ सज़ा आहे ऐं एकांतु वडो॒ वरिदानु….
अकेलाईअ में व्याकुलता आहे, एकांत में आराम…
अकेलाईअ में गबि॒राहट आहे, एकांत में शांति…
अकेलाईअ खां एकांतु डां॒हुं हिक अहिड़ी मुसाफ़िरी आहे, जंहिंमें रस्तो बि
असां आहियूं, मुसाफ़िर बि असां आहियूं ऐं अडो॒ बि असां साणु आहे, जेसिताईं साहु असां साणु आहे।
राज़दान राज़ जो हीउ शेर जीवन जे गणित खे बखूबी बयान करे रहियो आहे
हिसाबु रखनि था कलाकनि जो ऐं मिनटनि जो
किथे हलिया विया वरिह्ये, उन जी जा॒ण कोन थी थिए।
इन सोच जे आधार ते हिन सफ़र खे महसूस करण जो सोनो मोको कुदरत बख्शियो आहे। नये सिरे सां पंहिंजो पाण खे सुञाणण जो ऐं एकांतु जो आनंदु वठण जो। हिन सफ़र में कुदरत पंंहिंजो कमु कर रही आहे ऐं असां पंहिंजो।
विश्व भर का हर प्राणी जो इस दौर से गुजर रहा है वह इस यात्रा में अकेलेपन को एकांत के आनंद से भरने को तत्पर है. हर एक की अपनी अपनी मांग है, अपनी अपनी इच्छा व् लगन से वह कुछ न कुछ हासिल करने को प्रयासरत है, पाने का इच्छुक है.
आज ‘मात्र दिवस’ है और विश्व की हर माँ का आशीर्वाद देश के सभी बच्चों की मंगलकामना के शुभ संकल्प से प्रज्वलित है.
दुनिया जो हरिको जीवु जेको हिन दौर मां गुज़िरी रहियो आहे, हिन सफ़र में अकेलाईअ खां एकांत जो आनंदु वठण लाइ तयारु आहे। हर हिक जी पंहिंजी घुरिज आहे, पंहिंजी इछा ऐं महनत सां कुझु न कुझु हासिल करण जी कोशिश आहे।
अजु॒ मदर्स-डे आहे ऐं दुनिया जी हर माह जी आसीस देश जे सभिनी बा॒रनि जी मंगलकामना जे शुभु वीचारनि सां रौशनु आहे।
padmamotwani1411@gmail.com