लेखिका : देवी नागरानी
अनुवाद : पदमा गोविंद मोटवानी
रामजीअ जे पीउ खे गुज़ारे ड॒ह वरिह्य थिया हुआ। हिकु ई पुटु हुअण जे करे हुन जी माउ पार्वती हुन साणु रहंदी हुई। राजेशु हुन खे भाभी करे सडीं॒दो हुओ। घणे वक़्त खां हू रामजीअ जे वर्ताउ में, हुन जी गा॒ल्हियुनि जे लहिज़े में फ़र्कु डि॒सी रहियो हुओ। पर हुन जे घर जो ममिलो हुओ, इहो वीचारे चुपु रहंदो हुओ। कड॒हिं बीठे बीठे हालु अहिवालु पुछी वठंदो हुअसि।
हिक डीं॒हुं वाको कंदड़ आवाज़ु हुन जे कननि ते पियो। “जीअं वडी॒ पयी थींदी वञी, लापरवाहु थींदी थी वञी। तोखे अलाइजे छा थी वियो आहे? न ढंग सां कपड़ा थी पाईं, न उथी वेही थी, न ही ढंग सां कुझु गा॒ल्हाईं थी। असांजे मान जो बि तोखे कुझु ख़्यालु कोन आहे।
राजेश खे पंहिंजे घरां निकिरंदो डि॒सी रामजी चुपु थी वियो, पर बु॒धल गा॒ल्हियुनि हुन खे ज़ख़्मी करे छडि॒यो हुओ। हुन खां रहियो कोन थियो। हू गा॒ल्हि जो रुखु ऐं तरीको समुझी रहियो हुओ। पंहिंजी घर वारीअ डां॒हुं निहारींदे फाटोड़ी ऐं पोसराईंदड़ आवाज़ में चयाईं- “भाग॒वान अजु॒ अङण जे हुन पासे खां गंदी बूइ वेठी अचे।”
padmamotwani1411@gmail.com