मक़्सदु ऐं हुक़ुमु (नंढी कहाणी)

लेखिका : देवी नागरानी
अनुवाद : पदमा गोविंद मोटवानी

पीउ जे मौत जी ख़बर ते पुटु परदेस मां भारत आयो। पीउ जो अग्नि संस्कार ऐं सभु क्रियाक्रम विधि विधान सां कयाईं। पंद्रहनि डीं॒हंनि खां पोइ परदेसु वापसि वञण वक़्तु हुन माउ खे पेरे पवंदे चयो हू पीउ जी पुण्य तिथिअ लाइ साल खां पोइ मोटंदो ऐं तेसताईं हूं मासु मछली कोन खाईंदो।
वक़्तु गुज़िरियो, यारहां महीना थियण ते आया। फ़ोन ते गा॒ल्हाईंदे हिक डीं॒हुं माउ चयो-“पुट हाणे मुंहिंजी उमिरि बि घटिजण लगी॒ आहे, ख़बर कोन्हे कड॒हिं ज़िन्दगीअ जो आखिरी साहु खणां…!”
“अमा, ईअं बिल्कुल न चओ।” पुट गा॒ल्हि जे अध विच में ई चयो। “हीउ त मुंहिंजे मथां ज़ुल्मु थींदो। मस मस त बाबा खे सालु पूरो थियण वारो आहे। मां जीअं तीअं सुको फिको खाई गुज़ारो करे रहियो आहियां। जेकरि कुझु अहिड़ो थींदो त मां त मरी वेंदुसि। तूं त कुझु साल तरिसी वञि।”

padmamotwani1411@gmail.com