लेखिका : देवी नागरानी
अनुवाद : पदमा गोविंद मोटवानी
शायदि वक़्त जे लहरनु साणु असां बिना कंहिं मक्सद बसि हलंदा था रहूं।
सभु कुझु कयूं था, खाइणु-पीअणु, मौज-मस्ती, मजिलिसुनि लाइ असां वटि वक़्तु आहे, पर जेको कमु पंहिंजो मानु कमाइण लाइ करिणो आहे, उन जे लाइ वक़्तु कोन्हे। उहो कमु न करण जे लाइ सवे बहाना सबबु बणिजी करे साम्हूं ईंदा आहिनि। अक्सर चवंदा ऐं बु॒धंधा रहंदा आहियूं –
वक़्त जे चक्रव्यूह मां बा॒हिरि निकिरी करे ग़ैरतमंदु बणिजणु ई सची ज़िंदगीअ जो पैमानो आहे।
इन वक़्त जे सिलसिले में हिकु बु॒धलि क़िसो यादि आयो – हिक बा॒र हिकिड़े डीं॒हुं कम तां थकियल आयलि पीउ खां पुछियो “पापा तव्हांखे हिकु कलाकु कमु करण जे लाइ केतिरा डॉलर मिलंदा आहिनि?” अजीबु सुवाल में मुंझण बिना पीउ चयुसि “पंजवीह डॉलर”.
पुट पीउ सां ज़िद कयो त हू हुन खे ड॒ह डॉलर डि॒ए। पीउ डि॒नसि त सही, पर हू सोचण लगो॒। “कड॒हिं बि न घुरण वारो पुटु अजु॒ हीअ कहिड़ी फ़रिमाइश करे वेठो आहे?” कुझु सोचे हूं पुट जे कमिरे में वियो त डि॒ठाईं पुटसि उन्हंनि ड॒हनि डॉलरनि सां गडु॒ बि॒या बि डॉलर मिलाए रहियो हुओ। “छा करे रहियो आहीं? तोखे एतिरा पैसा छो खपनि?”
पीउ जा॒णणु चाहियो। पुट पंजवीह डॉलर पीउ जे अगि॒यांं रखंदे चयो “पापा छा सुभाणे तव्हां ऑफीस मां जल्दी अची करे मूं साणु डिनर करे सघंदा? जीअं असां हिकु कलाकु गडु॒ गुज़ारे सघूं, ही पंजवीह डॉलर मूं उन लाइ गडु॒ कया आहिनि।
वक़्त जो मुल्हु त उन मासूमियत लगा॒यो, जंहिंखे वक़्त जी दरकार हुई, दौलत जी न!
padmamotwani1411@gmail.com