“जजु” (नंंढी कहाणी)

लेखिका : देवी नगरानी
अनुवाद : पदमा गोविंद मोटवानी

देवी नागरानी
जड॒हिं जड॒हिं इल्म ऐं बेइल्मीअ में जंगु छिड़ंदी आहे, उन हर हिक मौके ते हिक नओं सितारो रौशनु थींदो आहे। अजु॒ बि कुझु अहिड़ो ई थियो।

पिकिनिक जूं तैयारियूं गर्मजोशीअ सां पूरियूं थी चुकियूं हुयूं। इहा जा॒ण हुई त शहर जा नामी ग्रामी माण्हूं शामिलि थींदा त असांजी कंपनीअ जे स्टाफ हर तरह सां बेहतरीन बंदोबस्तु कयो हुओ।

हिकु नामी वकीलु बि पंहिंजी घरवारीअ साणु जीअं उते पहुतो त सभिनी जो ध्यानु हुन जी पातल टी-शर्ट डां॒हुं वियो, जंहिं ते लिखियलु हुओ

A good lawyer must know law…

A lawful lawyer must know many judges…

पदमा मोटवानी
“त तव्हां घणनि ई जजनि खे सुञाणो?” हिक साथीअ मुशकंदे मसख़िरी केई।

“घणनि ई त न, पर उन्हनि मां कुझु खे सुञाणां” वकील साहिब ज़ोर सां खिलंदे चयो ऐं पंहिंजी घरवारीअ डां॒हुं सुवाली नज़रुनि सां डि॒संदे हुन खे चयाईं “तूं त मूंखे जा॒णीं, तुंहिंजो छा चवणु आहे?”

घरवारी सुवाल खे नज़र अंदाज़ु कोन करे सघी ऐं बहिसु करण खां बचण जे लाइ चयाईं – उन्हंनि सभिनी जजनि जे मथां हिकु जजु बि॒यो बि आहे, जेको असां सभिनी खे सुञाणे।

padmamotwani1411@gmail.com

error: Content is protected !!