मूल लेखिका: देवी नागरानी
सिन्धी अनुवाद; डॉ. गायत्री
वक्त जी दरकार
वक्त जी कदुर उहे जाणनि जेके वक्त जे पाबंदियुनि जी पालना कन्दा आहिनि। ऐं हिन दौरान पहिंजी मञिजल बि हासिल कंदा आहिनि। वक्त जे वहिन्दडि़ सैलाब साणु, पाण वहिंदे असां बिन मिनटनि लाए बि इहो न सोचीन्दा आहियूं त, वक्तु, असांजी बंद मुठ्ठीअ मां रेत वांगुर वई रहियो आहे। वञणो किथे आहे, वञी किथे रहिया आहियूं। शायद वक्त जे वहिकड़े साण बेमकसद ई वई रहिया आहियूं।
सब कुझ कन्दा रहिया आहियूं। खाइण-पियण, मौज-मस्तीअ जी महफिलुनि जो हिस्सो बणजणि लाए असां वटु वक्तु आहे। पर जेको पाण सुञारणि लाए कमु करणो आहे, हुन लाए वक्तु ई न आहे। कमु न करण जा घणई बहाना अची साम्हूं बीहन्दा आहिनि। अक्सर चवन्दा-बुधन्दा आहियूं त, टाईम ई नथो मिले। सचु आहे, वक्त खे केरु बधी सघियो आहे, जो असां बधी सघन्दासीं। पर भजन्दडि़ वक्त जे चक्रव्यूह मां बाहिर निकरी, हिक सुञारप बि हासिल करणी आहे। जेका सच जो पैमानो आहे।
सुवाल थोड़ो अजीब हुओ पर पिणस सिधे नमूने जवाब डिनो, “25 डॉलर।”
पुट जि़द करे पिउ खां 10 डॉलर वरता। पिउ डिना, पर सोचईं, कडहिं कुझ बि घुर न करणि वारे पुट, अजु हीअ केहिड़ी घुर कई? कुझ देर सोचे नेठ हू पुट जे कमरे में वियो। डिठईं त, हू पाण वटां बि कुझ डॉलर हुननि 10 डॉलरनि सां गडु रखी रहियो आहे।
“हीअु छा पियो करीं? छा कन्दे हेतड़ा पैसा?” पीउ पुछो। पुट जे हथ में 25 डॉलर हुआ, से पीउ खे डीन्दे चयईं, “छा तव्हां, सुभाणे ऑफिस मां जल्द घर मोटी मूं सां गडु भोजन करे (खाधो खाई) था सघो? जीअं असां हिकु कलाकु गडु गुज़ारे सघूं। हीउ 25 डॉलर मूं हिन करे ई कठा कया आहिनि।”
वक्त जो असुल मुल त हुन मासूम लगायो हुओ। जेहिंखे वक्त जी दरकार हुई, दौलत जी न।