वक़्त जी सहूलियत (नंंढी कहाणी)

लेखिका : देवी नागरानी
अनुवाद : पदमा गोविंद मोटवानी

जहिड़ी तरह बाग़नि में जुदा जुदा रंगनि जा गुल हूंदा आहिनि, तहिड़ी तरह ई समाज में किसिम-किसिम जा माण्हूं हूंदा आहिनि। अहिड़ा माण्हूं पंहिंजी फ़ितिरत ऐं वक़्त जी सहूलियत सां पंहिंजा कम पूरा कंदा आहिनि- कड॒हिं चहकंदे, कड॒हिं महकंदे ऐं कड॒हिं महकाईंदे।
अहिड़ो ई हिकु संजोगु॒ बणिजियो ऐं साल खां वठी हिक ई गा॒ल्हि वरी वरी दुहिराई पिए वेई, पर उन खे अमली जामो पहिराइण जो कमु अगि॒ले डीं॒हं ते टरंदो रहियो….! उन गा॒ल्हि जी ज़ामिनु मां हुअसि।
हिक डीं॒हुं ओचितो ई हुन भले माण्हूंअ सां मुलाक़ातु थी वेई। मूंखे डि॒संदे ई चयाईं- “अरे अंकिता जी हिक डीं॒हुं वक़्तु कढी करे तव्हांखे वठी मिश्रा जी जे घरु हलंदासी ऐं उते चइनि माण्हुनि जे साम्हूं तव्हांजो समानु कंदासी। मां जल्दु ई वक़्तु कढी तव्हांखे इतिलाउ कंदसि।” मूं गा॒ल्हि बु॒धी अणबु॒धी करे छडी॒। वरी वरी दुहिरायल गा॒ल्हि वधीक मतलबु कोन रखंदी आहे।
हालतुनि ऐं वक़्त जे सहूलियत सां, वरी हिकु दफ़ो गडि॒जण ते, ख़बर कोन्हे छा सोचे वरी उहा ई गा॒ल्हि दहिरायाईं तड॒हिं वञी मूं पुछियोमांसि-“अदा पर समानु कहिड़े वक़्तु कंदा, सिजु उभिरण खां पहिरीं या सिजु लहण खां पोइ!”

padmamotwani1411@gmail.com