दमु थो घुटिजे….(नंढी कहाणी)

लेखिका : देवी नागरानी
अनुवाद : पदमा गोविंद मोटवानी

पदमा मोटवानी
देवी नागरानी
घोट जे कज़े खां पोइ पंहिंजी खानदानी जग॒ह विकिणी अमृता देवीअ पैसनि जा बराबरु बराबरु हिसा करे टिन्ही पुनि खे विरहाए छडि॒या। हुननि बि पंहिंजी घुरिज जे मुताबिक घर वठी छडि॒या ऐं खुशीअ सां रहण लगा॒। पैसनि जे विरिहाङे साणु ज॒णु त अमृता देवीअ जो विरिहाङो थी वियो। चारि चारि महीना हर हिक पुट जे घरु रहंदी हुई। हर चई महीने

घरु मटाइणो पवंदो हुअसि। इहो सिलसिलो हलंदो रहियो। बु॒ढापे जी चाऊंठि ते पहुची हूअ सहिकण लगी॒ हुई। वारे घड़ी हिकु अजो छडे॒ बि॒ए में वसणु हुन जे लाइ बि सवलो कोन हुओ।

दुखी मन सां हूअ पंहिंजी दरु-ब-दरु थियल ज़िन्दगीअ जे लाइ प्रभुअ दरु प्रार्थना कंदी हुई। हिक डीं॒हुं पुट पुछी वरितसि- “अमां डीं॒हु राति छा बुणि बुणि कंदी आहीं?”

“कुझु न पुट, बसु! हाणे अयोध्या मोटी वञणु थी चाहियां। हिते लंका में मुंहिंजो दमु थो घुटिजे।”

padmamotwani1411@gmail.com

error: Content is protected !!