लेखिका : देवी नागरानी
अनुवाद : पदमा गोविंद मोटवानी
‘किथे वञिणो अथव?’
‘बांद्रा !’
‘हलो अमा, तव्हांखा वधीक न, 350 रुपया ई वठंदसि।’
‘ टैक्सी आहे या ऑटो?’
‘ऑटो!’
‘छा तव्हांजो ऑटो मीटर सां कोन हलंदो आहे?’
‘अमा लगेज-वगेज मिलाए एतिरो ई थी वेंदो आहे।’
‘छडि॒ भाउ, मूंखे अगि॒यां वधणु डि॒ए।’ चवंदे मां ज़बरदस्ती पंहिंजी
ट्रोल्ली बैग खे धिको डीं॒दे अगि॒यां वधियसि ऐं हूं मुंहिंजे पुठियां।
‘हलो, तव्हांखे अमा चयो आहे त 300 रुपया वठी छडीं॒दसि।’
‘इहा थी न पुट जहिड़ी गा॒ल्हि! पर मां ब॒ सौ रुपयनि खां वधीक कोन डीं॒दीसाईं।’
अमरि न तव्हांजी, न मुंहिंजी 250 रुपया डे॒ई छडि॒जो…..डि॒यो तव्हांजो थेल्हो…..!’
‘हाणे माटेले पुट जहिड़ी गा॒ल्हि केई अथेई, हलु…!’ इएं चवंदे मां हल्के मन सां हुन जे पुठियां हलण लग॒सि ऐं घरु पहुची सुख जो साहु पटियो।