लेखिका: देवी नागरानी
अनुवाद: पदमा गोविंद मोटवानी
मदहवासु करण वारी सूंहं में अण सूहंदरि का अण वणंदरि गा॒ल्हि चुबिजी वेंदी आहे, इन जो अहसासु सुधा खे तड॒हिं थियो, जड॒हिं हुन जी साहिड़ीअ रस्ते में चांहिं पीअण लाइ कार खे रोकियो। चांहिं जी चुस्की वठंदे हुन कार वारी साहिड़ीअ पंहिंजे वारनि खे हवा में खुलो छडीं॒दे चांहिं जे चश्के में शेखी मिलाईंदे चयो -“सुधा, पंहिंजी कार जो हुअणु केतिरो ज़रूरी आहे, जड॒हिं मर्ज़ी थिए, जिते मर्ज़ी दिए, मज़ो वठण निकिरी वञो। हीअ हिक ज़रूरत थी वेई आहे। उन खां सवाइ बिना परनि वारा पखी किथे था उडा॒मी सघनि!
तीरि निशाने ते लग॒लि हुओ। सुधा नज़रु अंदाज़ु कोन करे सघी, पंहिंजी औकात जी हुन खे जा॒ण हुई। बिना कंहिं मिलावट जे मुश्किंदे सचाईअ खे क़बूलु कंदे चयाईं, “मां वधीक शाहूकारु त कोन आहियां, पर मूंखे पंहिंजी ज़रुरतुनि ऐं दाइरे जो अहसासु आहे। उन्हंनि घटि ज़रुरतुनि ई मूंखे सेखारियो आहे त मूंखे फ़क़त ब॒ फुट ज़मीन ई घुरिजे।”
padmamotwani1411@gmail.com