मूल लेखिका: देवी नागरानी
सिन्धी अनुवाद; डॉ. गायत्री
देवी नागरानीहिकु मिडिल क्लास माण्हूं कहिं दुकान ते नौकरी कन्दो हुओ। बिन सालनि जी मेहनत खां पोए हुन पहिंजे मालिक जो दिल खटे वरतो। हिक डीहुं पहिंजे कुल्हनि जो भार लाए मालिक खेस नोटनि जी थैली डीन्दे चयो, “अजु खां जेको कमु मां कन्दो रहियो आहियां, उहो तू कन्दे। हीअ अजु जी कमाई आहे। हिन खे पाण सां खणी वञु। सुभाणे सुबुह जो दुकान इन्दे वक्तु बैंक में जमा कराए अचजइ। हाणे रोज़ाना तोखे ई इहो कमु सम्भालणो आहे।”
इहो सिलसिलो बिना नागा, बिना कहिं विघन ऐं परेशानीअ जे पूरो हिकु साल हलियो। हिन एवज़ मालिक नौकर जे पगार ऐं ओहदे में इज़ाफो करे छडियो। पर चवणीं आहे न त, भाग जडहिं साथ छडीन्दो आहे त दुर्भाग अची साथ पकड़ीन्दो आहे। डॉ. गायत्रीहिक डींहु सुबुह जो घर मां बाहिर निकरी हू माण्हूं रोजाना वांगुर नोटनि जी थैली खणी बैंक में जमा कराइण वियो। बैंक पहुची डिठईं त नोटनि जी थैली गायब हुई। हैरान-परेशान जहिं वाट तां आयो हुओ, पैर-पैर पाइन्दे वापिस वञी घर पहुतो। डिठईं त सन्दस 10 सालनि जो पुट हुअ नोटनि जी थैली खणी साम्हूं बीठो हुओ।
“पापा तव्हां हीअ थैली लिफ्ट में ई भुलजी विया हुआ। जडहिं मां स्कूल थे वियुस त इहा मुखे लिफ्ट में मिली।” इहा गाल्हि बुधाइन्दे हुन पिउ खे थैली पकड़ाई।
ईमानदारी दागदार थियण खां बची वेई। मालिक जा शुक्राना मञीन्दे हुन पुट खे भाकुर पाए छातीअ सां लगायो। पहिंजे मथे ते आयल पघर खे उघी हू वापिस मोटण लगो। हाणे हुन थैली एडही त मज़बूतीअ सां पकड़ी हुई जण पहिंजी मान-मर्यादा खे सम्भाले रहियो हुजे। Contact: Gayatriguddu1@gmail.com
