लेखिका : देवी नागरानी
अनुवाद : पदमा गोविंद मोटवानी
“सोरहं रुपया”
वीहनि रुपयनि जो नोटु हुन खे डीं॒दे चयोमांसि “बाकी चारि रुपया मूंखे डे॒।”
“अदी चारि रुपया त नाहिन, तव्हां मूंखे छह रुपया डि॒यो त मां तव्हांखे ड॒हनि रुपयनि जो नोटु थो डि॒यां।”
मसैले जो हलु न निकिरंदो डि॒सी मूं चयो “हीउ तव्हांजो डीं॒हं राति जो कमु आहे, छुटा पैसा त रखणि घुरिजनि तव्हां खे!”
“तव्हां खे छा इहा ख़बर आहे त जड॒हिं असां हिकु सौ रुपयनि जो नोटु पसारीअ खे छुटो करण लाइ डीं॒दा आहियूं त हू असां खे मोट में नवे
रुपया डीं॒दो आहे, एतिरो नुक़्सानु असीं ग़रीब कीअं बर्दाशतु करे सघंदासी?”
“ठीकु आहे, हाणे रहणु डे॒।” हुन जे मुंझियल गा॒ल्हियुनि मां बा॒हिरि निकिरी मूं हिकु उभो साहु खंयो। घरु ईंदे ई मूं पाण खे घणो हल्को महसूसि कयो, ज॒णु मूं हुन जे नुक़्सानु जी भरपाई करे छडी॒ हुजे।