मिठाणु में कौड़ाणि (नंढी कहाणी)

लेखिका : देवी नागरानी
अनुवाद : पदमा गोविंद मोटवानी

देवी नागरानी
“अरे साईं दीनानाथ कीअं आहियो?” फोन जो रिसीवर खणंदे ई दीनानाथ आवाज़ु बु॒धी।
“मां मज़े में आहियां, तव्हां कीअं आहियो? बाकी काल्ह तव्हां जेका मिठाई आंदी हुई, उन जो कौड़ो सवादु मुंह में अञा ताईं आहे…” चई दीनानाथ चुपु थी वियो।
“उहो कीअं? मिठाई ऐं कौड़ी, छा गा॒ल्हि था कयो” शांत आवाज़ में चवंदे कैलाशु ज़ोर सां खिलियो।
“हां, सचु थो चवां। उहा ‘अणवणंदरि सच’ वारी गा॒ल्हि तव्हां जेका केई, उहा अञां ताईं मञण में नथी अचे।” दीनानाथ जो लहिज़ो कुझु हल्को थी वियो।
“मुंहिंजी कहिड़ी गा॒ल्हि तव्हांखे कौड़ी लगी॒?” कैलाश जे निरण ते गुंज पवण लगा॒।
“उहा ई त धीअ धीअ हूंदी आहे, नूंहं धीअ नथी थी सघे।” दीनानाथ दबि॒यल आवाज़ में चेई छडि॒यो।
“दीनानाथ साईं-सचु तो सचु ई हूंदो आहे, मञो या न मञो।”
पदमा मोटवानी
“कैलाश साईं इन सच जी मूंखे जा॒ण आहे ऐं मां मञींदो बि आहियां, मुंहिंजी धीअ तव्हांजी नूंहं आहे ऐं तव्हांजी धीअ मुंहिंजे घर जी सूंहं आहे…..!” “……………..”
“असां जंहिंखे पंहिंजो चऊं था, हुन खे पंहिंजो भराइण लाइ उन नए भातीअ खे हुन जी सभिनी घटि वधाइयुनि ऐं कमज़ोरियुनि सां क़बूलु करिणो पवंदो आहे। पर उन सच जो ज़ाइक़ो शायदि तव्हां कोन वरितो आहे। जेका कौड़ी दवा ख़ुदु न पी सघूं, उहा बि॒यनि खे डि॒यण में कहिड़ो मज़ो ईंदो आहे? ख़ैर छडि॒यो काल्ह जी गा॒ल्हि, अजु॒ दसहिड़े जूं वाधायूं अथव।” दीनानाथ रिवायत निभाईंदे चयो।
“तव्हांखे बि” कैलाश जो आवाज़ु ढिलो थींदो वियो, उहो शायदि उन कौड़ाणि जो असरु रहियो, जेका हुन हीअंर ताज़ी ताज़ी चखी हुई।

padmamotwani1411@gmail.com

error: Content is protected !!